Sunday, October 25, 2009

Tula para sa Diyos


http://www.youtube.com/watch?v=ALY6Fk9-pF8


Sa pag-ibig ng ating Diyos
Maraming biyaya ang bumuhos
Kasama na rito ang pagdurusa
At pighati pagkatapos ng ligaya


Sa pagmamahal Mo sa sansinukob
Binigyan mu kami ng lakas ng loob
Na harapin ang darating na bukas
Ng may tapang at lakas


Walang maliw ka naming mamahalin
Hinding-hindi ito kayang bilhin
Habang buhay ko itong ipagmamalaki
Sa mga Kristiyano man o hindi


Kami ay laging naandirito
Patuloy na magbubunyi sa ngalan Mo
Nawa'y lagi kaming bigyan ng pagasa
Sa gitna ng hirap at pagdurusa


Sa bawat pagsubok
kami'y laging humihimok
Sa hirap at ligaya
Ikaw sana'y laging makasama


Lagi kang naandiyan
Tuwing Ika'y aming kailangan
O Mahal na Ama
Ikaw ang aming pagasa


John Lester Ilog


Saknong 1  => Biyaya ng ating Diyos sa bawat araw na dumarating.
Saknong 2 => Pag-asa na binibigay ng Diyos, pagkatapos ng isang pagsubok.
Saknong 3 => Pagbibigay ng sukli sa Pagmamahal ng Diyos na may kapal. 
Saknong 4 => Pananampalataya na hindi nawawala.
Saknong 5 => Ang walang kaparis na pagmamahal ng ating Diyos.
Saknong 6 => Pag-asa mula sa Panginoon.


Wednesday, October 21, 2009

Wikang Filipino (Love fo Nation/Nationalism)







Pahalagahan at Mahalin ang Wikang Filipino, Wikang Sariling atin. Sinubukan man tayong sakupin ng mga dayuhang mananakop ay hindi pa rin na wala ang pagmamahal natin sa ating bayan at sa ating wika. Masasabing ang Liguwahe natin ay pinaghalu-halong mga linguwahe ng iba't ibang bansang nagsipumilit na sakupin ang bansa natin.Pero sa panahon ngayon mas pinipili na ng mga paaralan at ng mga ordinaryong mamamayan na gamitin ang wikang Ingles, kahit na mabaliko na ang mga dila ng mga Filipino sa kakaIngles hindi pa rin sumusuko na mapaghusayan ang wikang Ingles. Ginagamit man ng nakararami ang Wikang Filipino mapapansin namang lagi pa rin itong nahahaluan ng Ingles at Espanyol na Linguwahe ng mga banyaga.Ang ating Pambansang Bayani na si Dr.Jose Protasio Rizal Mercado y Alonso Realonda o Pepe ay nagwika nuon na . . .
Ang hindi magmahal sa sariling Wika,ay mas mabaho pa sa malansang isda.
Maipapakita natin ang ating pagmamahal sa ating sariling bayan sa pagsimula s pagmamahal sa sariling wika. Si Dr. Jose Rizal ay niliban ang mga Espanyol gamit ang pluma at tinta, hindi siya gumamit ng patalim o baril.
                        
Chester Aries Crystal




Friday, October 2, 2009

Katotohanan sa Pag-ibig (Based on experience)

Sana lahat ng tao ay umiibig at nagiibigan ng nararapat. Sana lahat ng lalake ay marunong mang ligaw, at ang lahat ng babae ay nalalaman ito agad upang hindi na mahirapan ang mga lalake na manligaw. Para sakin “ Madali para sa mga babae ang mag-mahal sa umpisa pero mahirap iyon sa kanila sa huli.” Ako man ay isa ring torpe katulad ng ilang lalake dyan, lalake na walang tibay ng loob na sabihin ang tunay na nararamdaman ng aming puso…ngunit gumagawa pa rin kami ng paraan upang malaman ng taong aming iniibig na sa kanila kami’y may pagtingin. May ilang lalake na idinadaan sa mga kaibigan nila na mas malapit sa taong iniibig nila kaysa sa kanila. Ako man ay may ginawa ring paraan, katulad na rin lang ng pagsesend ko ng comment sa Friendster niya. Nagsend ako sa kanya ng isang poem na may ibig ipahiwatig sa kanya na ok lang namang magmahal ng mga kaibigang malapit sa kanya. Minsan ko na ring inamin sa kanya na mahal ko siya nang una kaming mag-chat sa YM (Yahoo Messenger). Akalain ninyo bang akalain niyang nagbibiro lamang ako kaya sinagot ko siya na hindi dapat ginagawang biro ang pagmamahal, kundi seryosohin ito…feeling ko tuloy ay ang iniisip niya tungkol doon ay isa lamang pag-ibig ng isang matalik na kaibigan. Tunituring man niya kong isang kapatid kulang yon para sa akin pero kung yon ang sa palagay niya na dapat hangang kaibigan lamang kami o mag kapatid na lang …Hindi ko na lang ito aaminin ulit hangang maisip niya ang tunay na kahulugan ng sinabi ko noon na mahal ko siya.